O‘quv seminari

15 - 16 avgust kunlari Urganch shahar 1-son ixtisoslashgan maktab-internati binosida Xorazm viloyat maktabgacha va maktab ta’limi boshqarmasi, Xorazm viloyat Ichki ishlar bosh boshqarmasi, Respublika Ma’naviyat va ma’rifat markazi Xorazm viloyat bo‘linmasi, Yoshlar ishlari agentligining Xorazm viloyat kengashi hamkorligida "Umumta’lim maktablari o‘quvchilari o‘rtasida tarbiyaviy ishlar samaradorligini oshirish, tizimli muammolar va ularni bartaraf etish yuzasidan istiqboldagi rejalarni belgilab olish" mavzusida o‘quv seminari bo‘lib o‘tmoqda. 

Mazkur seminarda Urganch shahar umumta’lim maktablari direktorlari, direktorning ma’naviy-ma’rifiy ishlar bo‘yicha o‘rinbosarlari, direktorning vatanparvarlik ruhida yoshlarni tayyorlash bo‘yicha o‘rinbosarlari, amaliyotchi psixologlar ishtirok qilmoqdalar.

O‘quv seminarning birinchi ish kuni davomida Yangi O‘zbekistan Konstitutsiyasida ta’lim-tarbiya va yoshlar masalalari, maktabda ma’naviy-ma’rifiy hamda tarbiyaviy ishlarni takomillashtirishga qaratilgan islohotlar, tarbiyaviy ishlarni samarali tashkil etgan direktor o‘rinbosarlarini rag‘batlantish tartibi, o‘quvchi-yoshlar o‘rtasida nazoratsizlik, qarovsizlik, huquqbuzarliklar va boshqa g‘ayriijtimoiy xatti-harakatlarning oldini olish, maktabda sog‘lom ijtimoiy-ma’naviy muhitni ta’minlashda ota-onalar bilan hamkorlikning ahamiyati to‘g‘risida ma’ruzalar tinglandi. Biz ham maktabimiz ustozlari bilan ishtirok etdik.